Fréttir - Körfubolti

Leikur tvö í einvígi um sæti í úrvalsdeild

Körfubolti | 04.06.2021

Vestri tekur á móti Hamri frá Hveragerði í öðrum leik liðanna um laust sæti í Dominosdeild karla á laugardaginn kl. 19:15. Hamarsmenn leiða einvígið eftir sigur í fyrsta leik á heimavelli en sigra þarf þrjá leiki.

Stuðningur áhorfenda getur skipt sköpum í baráttunni og hvetjum við alla til að mæta og styðja strákana. Loksins verða Vestraborgarar aftur á boðstólnum fyrir leik. Grillið verður orðið heitt um kl. 18:30.

Nánar

Undanúrslitin hefjast í kvöld

Körfubolti | 17.05.2021

Í kvöld hefst viðureign Vestra og Skallagríms í undanúrslitum fyrstu deildar karla. Vestri er með heimavallarrétt og því fer leikurinn fram hér á Ísafirði og hefst kl. 19:15.

Þetta er í fyrsta sinn sem lið undir merkjum Vestra leikur í undanúrslitum og er ljóst að baráttan um laust sæti í Dominosdeildinni hefst fyrir alvöru í kvöld.

Liðin hafa mæst tvívegis í vetur og hafa báðir leikirnir verið jafnir og spennandi þótt okkar menn hafi landað sigri í bæði skiptin. Stuðningur áhorfenda getur því skipt sköpum í kvöld og í næstu leikjum. Til að komast áfram í úrslit um laust sæti í efstu deild þarf að vinna þrjá leiki og skiptast liðin á að spila heima og heimann. Við hvetjum stuðningsfólk til að mæta og hvetja Vestramenn til dáða!

Takmarkað framboð er af miðum á leikinn vegna sóttvarnarráðstafana og fer miðasala fram í gegnum smáforritið Stubb. Aðeins 60 miðar eru í boði fyrir fullorðna, ókeypis er fyrir börn í fylgd með fullorðnum sem fædd eru 2005 og síðar.

Einnig er bein útsending hjá Viðburðastofu Vestfjarða og hægt að kaupa styrktarmiða í gegnum Stubb.

Hægt er að nálgast Stubb fyrir bæði Android síma og I-phone:

Stubbur fyrir Android

Stubbur fyrir I-phone

Gestir á leiknum eru beðnir um að virða gildandi sóttvarnarreglur: 

  • Grímuskylda er á leiknum
  • 2 metra nálægðartakmörkun milli ótengdra aðila
  • Gestir skulu ekki fara úr sætum sínum að óþörfu á meðan á leik stendur og í hálfleik
  • Óheimilt er með öllu að fara inn á keppnissvæði

 

Áfram Vestri!

Nánar

Úrslitakeppnin, síðasti deildarleikur og fjölliðamót

Körfubolti | 07.05.2021

Risastór körfuboltahelgi er framundan á Ísafirði. Meistaraflokkur karla leikur sinn fyrsta leik í úrslitum 1. deildar þegar liðið mætir Fjölni í 8-liða úrslitum á laugardaginn kl. 15. Meistaraflokkur kvenna leikur svo strax í kjölfarið sinn síðasta deildarleik, kl. 18:00,  þegar Ármenningar koma í heimsókn en úrslitakeppnin hjá stelpunum hefst svo í næstu viku. Að lokum er rétt að nefna að fjölliðamót í 7. fokki stúlkna fer einnig fram um helgina í íþróttahúsinu á Torfnesi á laugardags- og sunnudagsmorgun.

Nánar

Aðalfundur Körfuknattleiksdeildar

Körfubolti | 02.05.2021

Aðalfundur Körfuknattleiksdeildar Vestra 2021 verður haldinn sunnudaginn 9. maí. Fundurinn fer fram í Vallarhúsinu á Torfnesi og hefst kl. 17:00. 

Nánar

Vestri mætir Tindastóli í fyrstu deild kvenna

Körfubolti | 30.04.2021

Meistaraflokkur kvenna tekur á móti Tindastól í 1. deild, laugardaginn 1. maí, kl. 15:00. Takmarkaður fjöldi áhorfenda er leyfður vegna sóttvarnarráðstafana. Miðasala á Stubbi fyrir fullorðna og ókeypis fyrir börn í fylgd með fullorðnum sem fædd eru 2005 og síðar.

Nánar

Tveir heimaleikir

Körfubolti | 22.04.2021
Meistaraflokkur karla tekur á móti Skallagrími í 1. deild karla á morgun föstudag og meistaraflokkur kvenna tekur á móti Njarðvík á laugardag. Á mánudagskvöld á meistaraflokkur karla einnig heimaleik gegn Hamri.
 
Nánar

Vestri með tvo landsliðsmenn

Körfubolti | 21.04.2021
Friðrik Heiðar Vignisson og Alexander Leon Kristjánsson eru fyrstu landsliðsmenn Vestra í rafíþróttum.
Friðrik Heiðar Vignisson og Alexander Leon Kristjánsson eru fyrstu landsliðsmenn Vestra í rafíþróttum.

Þeir Alexander Leon Kristjánsson og Friðrik Heiðar Vignisson úr Vestra eiga sæti í fyrsta landsliði Íslands í NBA2K sem tekur þátt í FIBA ESPORT OPEN III-mótinu á föstudaginn kemur! Þetta er fyrsta rafíþróttalið KKÍ sem mætir til leiks á vegum sambandsins en þátttaka í mótinu er liður í samstarfi KKÍ og Rafíþórttasamtaka Íslands.

Nánar

Strákarnir mæta Fjölni

Körfubolti | 18.03.2021

Meistaraflokkur karla tekur á móti Fjölni í 1. deildinni, föstudaginn 19. mars, kl. 19:15. Takmarkaður fjöldi áhorfenda er leyfður vegna sóttvarnarráðstafana. Aðeins 36 miðar eru í boði fyrir fullorðna, ókeypis er fyrir born í fylgd með fullorðnum sem fædd eru 2005 og síðar.

 

Nánar

Meistaraflokkur kvenna mætir Fjölni B heima

Körfubolti | 17.03.2021
Meistaraflokkur kvenna tekur á móti Fjölni B í 1. deildinni, fimmtudaginn 18. mars, kl. 18:00. Vegna sóttvarna er takmarkaður fjöldi áhorfenda er leyfður. Aðeins 36 miðar eru í boði fyrir fullorðna, ókeypis er fyrir börn, fædd 2005 og síðar, í fylgd með fullorðnum. Börnum verður aðeins hleypt inn í fylgd með fullorðnum.
 
Nánar

Fyrsti heimaleikur með áhorfendum!

Körfubolti | 04.03.2021

Fyrsti heimaleikur þessa tímabils með áhorfendum fer loksins fram á morgun, föstudaginn 5. mars þegar karlalið Vestra tekur á móti Breiðablik í fyrstu deilinni. Aðeins eru 60 miðar í boði á leikinn vegna sóttvarnarráðstafanna. Mikilvægt er að taka fram að börn telja í þessum fjölda.

Nánar