6. flokkur drengja á Orkumótinu.

Dagana 26.-28. júní fór fram Orkumótið í Vestmannayejum.

Mótið sem m.a. áður hét Pollamótið siglir nú inn í sinn fimmta áratug og er fyrir drengí 6. flokki.

Tæplega 30 drengir frá Vestra tóku þátt í mótinu og stóðu þeir sig allir vel bæði innan sem utan vallar svo eftir var tekið.  Höfðu foreldrar annarra liða það sérstaklega á orði hvað hegðun og hugarfar Vestra drengjanna hafi verið til fyrirmyndar.

Þrjú lið frá Vestra tóku þátt. Í öllum félagsmótum 12 ára og yngri bera Vestra liðin nöfn leikmanna meistaraflokka karla og kvenna.

Að þessu sinni hétu liðin Vestri Elmar Atli, Vestri Daði Berg, Vestri Gunnar Jónas.

Vestri Elmar Atli sigraði í sínum flokki og fékk að launum ,,Heimaeyjabikarinn".

Liðið sigraði Tindastól 3-1 í úrslitaleik hvar okkar drengir lentu undir 0-1 en komu til baka og sigruðu með glæsibrag dyggilega stuttir af félögum sínum í Vestra Daða Berg og Vestra Gunnari Jónasi.

Fagnaði svo allur hópurinn saman í leikslok enda mikil samheldni og íþróttaandi hjá öllum iðkendum knattspyrnudeildar Vestra.

ÁFRAM VESTRI 

7. flokkur drengja á Norðurálsmótinu.

1 af 4

7. flokkur drengja tók þátt í Norðurálsmótinu á Akranesi sem fram fór dagana 20.-22. júní nk.

Norðurálsmótið hefur til fjölda ára verið eitt fjölmennasta mót ársins og eru jafnan um 2000 iðkendur sem taka þátt.

Okkar drengir mættu með tvö lið á mótið og stóðu þeir sig virkilega vel og voru félaginu sínu til sóma bæði innan sem utan vallar.

ÁFRAM VESTRI

6. flokkur stúlkna á Króksmóti ÓB.

1 af 6

6. flokkur stúlkna fór helgina 21.-22. júni  á Króksmót ÓB á Sauðárkróki.  

Vestra stúlkur voru með 3 lið enda hefur þeim fjölgað jafnt og þétt síðustu misserin.

Stúlkurnar stóðu sig virkilega vel og verður gaman að fylgjast með þeim í framtíðinni.

ÁFRAM VESTRI

Knattspyrnunámskeið Vestra í júlí

Knattspyrnunámskeið Vestra verður fyrstu tvær vikurnar í júlí.

Námskeiðin sem eru fyrir öll börn í 6.-7. flokki.

Æft verður eftir æfinga og knattspyrnuáætlun knattspyrnudeildar Vestra.

Þjálfarar koma frá knattspyrnudeild Vestra og yfirþjálfari námskeiðsins verður Heiðar Birnir.

Um er að ræða tvö námskeið sem hvort um sig inniheldur fjóra námskeiðsdaga og 8 æfingar þ.e. tvær æfingar á dag.

Vistun er í boði frá kl. 08.30 alla dagana.

Verð er kr. 6.000,- per námskeið og skráning er hafin og fer hún fram í Sportabler

ÁFRAM VESTRI

Yngri flokkar á ferð og flugi um helgina

Eins og allir vita þá eru sumarmótin komin á fullt hjá yngri flokkum.

5. fl kvk eru nýkomnar frá Vestmannaeyjum hvar þær tóku þátt í TM mótinu og stóðu sig frábærlega.

Stúlkurnar voru valdnar prúðasta liðið og er hegðun þeirra innan sem utan vallar til mikillar fyrirmyndar.

Það er skammt stórra hökkva á milli hjá þeim og eiga þær leik á lau nk á heimavelli gegn KFR í Íslandsmótinu.

2.fl, 3.fl, 4.fl og 5.fl kk munu allir spila 2 leiki hver í Íslandsmótinu að heiman um helgina.

6. flokkur stúlkna fer á Króksmótið á Sauðárkróki.

3. og 4. flokkur stúlkna hafa svo verið á ferð og flugi síðustu misserin. 3.fl kvk fær frí um helgina en 4.fl kvk spilar 2 leiki á heimavelli gegn KFR í Íslandsmótinu.

7. flokkur drengja tekur svo þátt í Norðurálsmótinu á Akranesi.

Af þessu má sjá að sjö flokkar eru að spila um helgina hér og hvar um landið og er um að ræða eina viðburðarríkustu helgi ársins í starfi yngri flokka knattspyrnudeildar Vestra. 

ÁFRAM VESTRI 

Tæplega 90 iðkendur skráðir á Alþjóðlegu knattspyrnubúðirnar sem hefjast á morgun.

1 af 2

Alþjóðlegu knattspyrnubúðirnar hefjast á morgun á Kerecisvellinum á Ísafirði.

Tæplega 90 iðkendur eru þegar skráðir í knattspyrnubúðirnar sem er algjörlega frábært.

Mikill metnaður er lagður í verkefnið og koma tveir þjálfarar frá enska liðinu Middlesbrough FC en það eru þeir Martin Carter yfirmaður félagsskiptamála í knattspyrnu akademíu félagsins og Mark Tinkler aðalþjálfari U21 karlaliðs félagsins.  Þeir félagar eru gríðarlega virtir þjálfarar og þess má geta að Mark Tinkler var einnig frábær leikmaður og á m.a. 25 leiki í ensku úrvalsdeildinni fyrir Leeds Utd.

Enn er hægt að skrá sig í knattspyrnubúðirnar og fer skráningin fram hér

Aðrir þjálfarar í knattspyrnubúðunum koma frá Vestra. Þess má geta að í gær kom til okkar nýr þjálfari, en það er hann Aaron Ankers frá Írlandi.  Aaron er íþróttafræðingur og með UEFA B þjálfaragráðu og hefur ásamt því að þjálfa í heimalandinu einnig þjálfað í þýskalandi.

Yfirþjálfari knattspyrnubúðana er Heiðar Birnir.

Miðasala á Íslands - Frakkland 03. júní

ÁFRAM ÍSLAND OG ÁFRAM VESTRI

Alþjóðlegu knattspyrnubúðir Vestra 03.-05. júní

Alþjóðlegu knattspyrnubúðirnar eru fyrir öll börn fædd 2011-2018.

Tveir erlendir þjálfarar frá Middlesbrough FC verða aðalþjálfarar í knattspyrnubúðunum, en það eru þeir Martin Carter og Mark Tinkler.

Martin Carter er „Head Of Player Recruitment“ hjá knattspyrnuakademíu félagsins og hefur yfirumsjón yfir þeim ungu leikmönnum sem eru fengnir til liðs við Middlesbrough FC.

Mark Tinkler er aðalþjálfari U-21 karlaliðs félagsins. Þess má geta að Mark átti flottan feril sem leikmaður og lék m.a. með Leeds Utd í ensku úrvalsdeildinni. Mark var á sínum tíma fyrirliði U-18 ára landsliðs Englands en í liðinu var m.a. David Beckham. Þegar Micahel Carrick fyrrum leikmaður Man Utd, Tottenham og West Ham gerðist knattspyrnustjóri Middlesbrough FC bað hann Mark sérstaklega um að vera aðstoðarstjóra sinn um hríð.

Báðir þjálfararnir hafa gríðarlega mikla þekkingu og reynslu og njóta mikillar virðingar í boltanum.

Skólastjóri verður Heiðar Birnir.  

Allir aðrir þjálfarar koma frá Vestra.

Allir iðkendur fá treyju frá JAKO.

Hressing verður í boði fyrir iðkendur alla dagana.

Skráning er hafin og fer hún fram  hér

Allar frekari upplýsingar veitir Heiðar Birnir yfirþjálfari hjá Vestra á netfanginu heidarbirnir@vestri.is

Æfingaáætlun yngri flokka fyrir maí 2025.

Knattspyrnudeild auglýsir starf yfirþjálfara yngri flokka

Knattspyrnudeild Vestra auglýsir eftir metnaðarfullum einstaklingi í stöðu yfirþjálfara yngri flokka félagsins.

Yfirþjálfari yngri flokka knattspyrnudeildar leiðir faglegt starf félagsins í samráði við framkvæmdastjóra knattspyrnudeildar.

Meginhlutverk yfirþjálfara er að fylgja eftir æfinga og kennsluáætlun Vestra í þjálfun knattspyrnu. Einnig skal yfirþjálfari vinna náið með þjálfurum félagsins og veita þeim aðhald og stuðning.

MENNTUNAR- OG HÆFNISKRÖFUR

• Háskólapróf og/eða mikil reynsla sem nýtist í starfi.
• UEFA A þjálfunargráđa.
• Þekking og skilningur á starfsemi knattspyrnudeilda.
• Framúrskarandi hæfni í samskiptum.
• Drifkraftur og hæfni til að leiða verkefni og hópa.
• Frumkvæði og sjálfstæð vinnubrögð.
• Góð tölvukunnátta.

 Umsóknarfrestur er til og með 29. maí nk.

Umsóknum ásamt ferilskrá og kynningarbréfi skal skila til yfirþjálfara

á netfangið heidarbirnir@vestri.is eigi síðar en 29. maí 2025.

Farið verður með umsóknir sem trúnaðarmál og þeim svarað að ráðningu lokinni.