Íþróttafélagið Vestri - Hjólagarður

Aðalfundur hjólreiðadeildar

Tue, 07 Mar 2023 20:53:00 +0000

Aðalfundur hjólreiðadeildar Vestra verður haldinn 16. mars kl. 20:00 í Skátaheimilinu á Ísafirði, Mjallargata 4.

Dagskrá aðalfundar
Fundarsetning.
1. Kosning fundarstjóra og fundarritara.
2. Formaður deildar gerir grein fyrir starfsemi deildarinnar á liðnu starfsári.
3. Gjaldkeri deildar leggur fram ársreikning til samþykktar og gerir grein fyrir reikningum deildarinnar sem staðfestir hafa verið af kjörnum skoðunarmanni og gjaldkera aðalstjórnar.
4. Reglugerðabreytingar
5. Félagsgjald
6. Kosningar:
a) Kosninn formaður deildar til eins árs.
b) Kosnir tveir meðstjórnendur og tveir varamenn til eins árs í senn.
7. Markmið og sýn félagsins. Áætlanir fyrir 2023
8. Viðurkenning til efnilegasta hjólreiðafóks Vestra.
9. Önnur mál.

Fundargerð lesin upp og fundarslit

Nýjar línur

Sun, 15 Nov 2020 18:49:00 +0000

Dagsbirtan í dag var nýtt í frekari grisjun í kalsárskógi, fundum tvær línur frá gamla Seljalandsveginum og niður að Brúarnesti. Í skóginum gengum við einnig framá yfirgefið tjald og viðlögubúnað.

Verkfæraskúr

Fri, 13 Nov 2020 12:01:00 +0000

Hjólreiðadeildinni áskotnaðist geymsluskúr frá leikskólanum Eyrarskjóli í vikunni, starfsmenn áhaldahússins hjálpuðu okkur að flytja hann á hjólaplanið. - Hjólreiðadeildin þakkar kærlega fyrir.

Brú í múlanum

Thu, 12 Nov 2020 11:48:00 +0000

Það er alltaf sami dugnaðurinn í hjólagenginu, strákarnir, Óliver, Rúnar og Atli hafa riggað upp brú neðst í Múlanum. Múlinn hefur verið ansi blautur og drullugur í sumar. Það á eftir að bæta nokkrum fjölum í brúna, setja á hana hænsnanet og styrkja hana betur svo hún standi af sér veturinn.

Nýjar línur

Thu, 12 Nov 2020 08:07:00 +0000

Þremenningarnir, Heiða, Kristján og Sigurður opnuðu tvær nýjar línur síðastliðna helgi í skóginum fyrir neðan skíðaveginn. Leiðirnar fengu nöfnin Harris og Biden.

Hjólreiðadeild Vestra hefur lagt mikla vinnu í að safna saman hjóla og gönguslóðum í bæjarfélaginu í sumar og nú stendur yfir vinna við að mjatla þeim inn á trailforks.

Þrír staurar 3 í kvöld

Wed, 04 Nov 2020 22:36:00 +0000

Vinnugengið náði að berja niður 3 staura fyrir myrkur í dag. Þeir fóru allir í Heimreiðina. Hægt og bítandi saxast á verkefnalistann.

Skíðasvæði - sumarplan

Mon, 02 Nov 2020 21:55:00 +0000

Bæjarráð tók fyrir uppbyggingu á Skíðasvæði Ísafjarðarbæjar fyrir í dag. Það er flott að móta sameiginlega sýn á svæði. Hjólreiðadeildin fagnar áætlunum um uppbyggingu og þá sérstaklega plönum um stólalyftu og matsölustaði en finnst að horfa mætti meira á möguleikana í uppbyggingu svæðisins yfir sumartímann.

Frekar upplýsingar um yppyggingu á svæðinu má sjá hér og hér. Minnisblað um uppbyggingu útivistasvæðis við Skutulsfjörð unnið af Verkís má finna hér.

Stikun við Dyngju og Síðuskóg

Mon, 02 Nov 2020 10:38:00 +0000

Hjólreiðadeildin stikaði hjólaleið sem liggur í framhaldi á neðri hnífum og niður að Dyngju. Hægt er að nýa hjólaleiðina líka til þess að hjóla upp. Hjólreiðadeildin endurstikaði hjólaleiðina frá neðri Hnífum og niður í gegnum Síðuskóg. Notaðar voru rauðmerktar stikur og voru þær staðsettar á hægri hönd þess sem hjólar niður leiðina.

Stórum áfanga náð

Sun, 01 Nov 2020 10:42:00 +0000

Vinnan við upplýsinga og öryggismerkingar gekk vel á helginni. Kristján, Siggi og Heiða, komu niður upplýsingaskilti upp á heiði, grófu 8 holur, komu niður 4 staurum, drenuðu tvö krítisk svæði í brautinni .

Það er magnað hvað hjólafélagið á góða að hérna í bænu, takk fyrir aðstoðina á helginni, Ívar, Pétur, Valur Richter, Valli og Njáll Flóki.

Afnot af lóð við Grænagarð

Thu, 29 Oct 2020 11:39:00 +0000

Formleg afnot af lóð fyrir hjólagarð var tekin fyrir á fundi skipulags og mannvirkjanefndar í gærmorgun. Skipulags- og mannvirkjanefnd felur skipulagsfulltrúa að ganga frá samningi við Hjólreiðafélag Vestra um afnot af landi Ísafjarðarbæjar við Grænagarð.

Hjólreiðadeildin vonast til að gengið verði frá samningnum sem fyrst, stjórn hjólreiðadeildarinnar hefur ekki viljað hefja framkvæmdir af meiri krafti fyrr en formlegur afnotasamningur hefur verið gerður.

https://www.isafjordur.is/is/stjornsysla/stjornsyslan/fundargerdir/skipulags-og-mannvirkjanefnd/1172