Dagskrá:

1. Fundarsetning.

2. Kosning fundarstjóra og fundarritara.

3. Fundargerð síðasta aðalfundar lögð fram.

4. Formaður félagsins gerir grein fyrir starfsemi aðalstjórnar á liðnu starfsári.

5. Gjaldkeri félagsins leggur fram til samþykktar og gerir grein fyrir reikningum félagsins fyrir liðið starfsár.

6. Ákvörðun félagsgjalds.

7. Fjárhagsáætlun félagsins lögð fram til samþykktar.

8. Lagabreytingar.

9. Kosningar:

   1. Kosinn formaður.

   2. Kosnir þrír stjórnarmenn til tveggja ára í senn.

   3. Kosnir tveir varamenn til eins árs í senn.

   4. Kosnir tveir skoðunarmenn reikninga og einn til vara.

   5. Kosning fastra nefnda er aðalfundur ákveður.

10. Önnur mál.

11. Fundargerð upplesin og fundarslit.

Framboð til formanns aðalstjórnar og almennar tillögur skulu berast aðalstjórn eigi síðar en fimm dögum fyrir auglýstan aðalfund félagsins á netfangið adalstjorn@vestri.is eða gjaldkeri@vestri.is 

Tillögur sem liggja fyrir aðalfundi má finna hér

Dagskrá: 

1. Fundarsetning.
2. Kosning fundarstjóra og fundarritara.
3. Formenn deildar og barna- og unglingaráðs gera grein fyrir starfsemi deildarinnar.
4. Ársreikningur félagsins lagður fram
5. Kosningar:
   1. a) Kosning formanns
   2. b) Kosning tveggja stjórnar manna
6. Önnur mál.
7. Fundargerð upplesin og fundarslit

Félagsmenn og aðrir áhugasamir um starfsemi deildarinnar eru hvattir til að mæta.

Vel var mætt á fundinn og góðar umræður fóru fram um starfið síðasta ár og það sem framundan er.  Í ársreikningi mátti sjá að reksturinn var í ágætis málu og viðunandi afgangur af rekstri, en hjá íþróttafélagi úti á landi með mörgum og dýrum ferðalögum er reksturinn alltaf sveiflukenndur.

Undir liðnum kosningar, var sitjandi stjórn að mestu endurkjörin, en tveir nýjir aðilar komu inn sem varamenn. Sigurður Hreinsson er áfram formaður deildarinnar en aðrir í stjórn eru eftirfarandi: Sólveig Pálsdóttir, Heimir Hansson, Signý Þöll Kristinsdóttir og Sigríður Sigurðardóttir. Varamenn eru þau Katarzyna Maliszewska, Katla Vigdís Vernharðsdóttir og Grétar Logi Sigurðsson.

Skýrsla stjórnar

Ágætu félagar.

Að öðrum árum ólöstuðum, þá verður ekki annað sagt um árið 2025, en að það var án vafa besta starfsár Blakdeild Vestra til þessa.  Ágæt starfsemi í yngri flokkum félagsins og hjá meistaraflokkunum og öldungaglokkum voru áskoranirnar með þeim allra stærstu. Þá var strandblak stundað af miklu kappi.

Það er því vel við hæfi að halda í þann góða sið að segja síðasta ár hafa verði það besta í sögu deildarinnar til þessa.

Iðkendur

Starfsemi félagsins og iðkendafjöldi hefur verið mjög svipað undanfarin ári.

Í vetur hefur blakdeildin haldið úti æfingum á Ísafirði og í Bolungarvík, en að auki voru kvennaliðin með eina æfingu á Suðureyri síðasta vetur.  En Íþróttafélagið Stefnir hefur haldið úti blakæfingum fyrir krakka á Suðureyri.

Þjálfaramál

Haustið 2020 tók Juan Escalona við starfi aðalþjálfari blakdeildar Vestra.  Auk þess að þjálfa alla flokka í blaki er hann leikmaður í úrvalsdeildar-karlaliði Vestra og sannarlega betri en enginn.

Vorið 2025 var skrifað undir tveggja ára samning við Juan með endurskoðunarákvæði næsta vor.  Gagnkvæmur áhugi er hjá stjórn og Juan að hann verði áfram hjá félaginu en árangur hans með félaginu er eftirtektarverður.

Síðasta vetur, 2024-25 var einnig starfandi þjálfari hjá okkur, og var sérstaklega með kvennaliðið sem spilaði í 1. deild.  Það var okkar ágæti leikmaður til fjölda ára, spánverjinn Antonio Fernandez Ortiz.

Meistaraflokkar

Eins og ýjað var að hér rétt áður, hélt Vestri úti tveimur kvennaliðum, veturinn 2024-25. B-kvennalið Vestra keppti það tímabil í 4. deild, á Íslandsmóts kvenna.  Eftir fyrstu tvær túnneringar tímabilsins 2024-25 var lið Vestra í efsta sæti deildarinnar, með 20 stig en á loka mótinu, þar sem spilað var til úrslita í efri hluta deildarinnar, endaði liðið í 2. sæti, einu stigi á eftir toppliðinu.  Svipað var svo uppi á teninginum þetta tímabilið en þá var liðið komið upp um deild, liðið í næst efsta sæti eftir fyrstu tvær túnneringarnar og spiluðu því til úrslita í efri hluta deildarinnar.  Á lokamótinu sem haldið var fyrr í mars, endaði liðið svo í 2 sæti í 3ju deild, eftir æsispennandi leiki.

Haustið 2024 hóf 1. deildar-kvennalið Vestra keppni á Íslandsmótinu, þar sem keppnisfyrirkomulagið er að spila heima og heiman.  Skemmst er frá því að segja að árangur liðsins var fram úr björtustu vonum og lauk liðið keppni, sem deildarmeistarar, vorið 2025.  Hópurinn var hinsvegar ekki stór og því frekar viðkvæmir fyrir fækkun á leikmönnum.  Því fór það svo að liðið spilaði aðeins þetta eina tímabil.

Síðustu ár höfum við verið með skráð B-lið í karlaflokki, þar sem við höfum verið með mjög stórann hóp af ungum strákum.  Það lið var skráð í 2.deild á síðasta tímabili og ætlað þeim strákum sem fá lítið af tækifærum með A-liðinu okkar.  Á síðasta tímabili endaði það lið í 7 sæti í deildarkeppninni.  Þetta tímabil, var árangurinn svipaður, liðið sat í 6 sæti fyrir lokamótið.  Á það mót komst liðið hinsvegar ekki á vegna veðurs.

Vorið 2025 lauk karlaliðið sínu sjötta tímabil í úrvalsdeildinni í blaki.  Í vetur eru 18 manns löglegir með liðinu, en af þeim hóp er byrjunarliðið 7-8 leikmenn.  Á síðasta tímabil endaði Vestri í 5 sæti í deildinni.  Árangur þessa tímabils sem er nýlokið hjá okkur var einnig 5 sæti.

Öldungaflokkar

Öldungamótið vorið 2025, Stuðboltinn, var haldið í Mosfellsbæ í byrjun maí.  Okkar fólk mætti að sjálfsögðu þar og kepptu undir okkar gömlu merkjum, Skellur. 

Konurnar spiluðu í 6.deild A og rúlluðu henni upp, tóku gullið með stæl, unnu alla leiki og töpuðu aðeins einni hrinu.  Karlarnir spiluðu hinsvegar í 2. deild og gerðu nánast það sama, tóku gullið með því að vinna alla leiki 2-0, nema þennan eina sem tapaðist í odd. 

Yngri flokkar

Frá Vestra voru send lið á öll mót sem við náðum í lið og í einhverjum tilfellum voru stöku leikmenn lánaðir í önnur lið, til að fá spilatíma. Mót var einnig haldið hér í Torfnesi á Ísafirði helgina 16-18 maí í U12 kk, U12 kvk og U14 kk, þar sem um 40 lið mættu til leiks.

Íslandsmót U16 var haldið á Húsavík helgina 9-11 maí.  Þangað sendum við stúlkulið auk þess sem einn strákur var lánaður frá okkur í lið Þróttar Nes.

Íslandsmót BLÍ að hausti fyrir U16, U14 og U12 var haldið á nokkrum stöðum í borginni helgina 14-16 nóvember.  Á það mót fóru tvö lið frá okkur, U16 kvk og U12 mix og skiluðu bæði lið sér heim aftur með silfur.

U20 kk tók þátt í haustmóti HK sem haldið var 26-28 september.  Þá tóku þeir einnig þátt í Bikarmóti BLI sem haldið var 28-30 nóvember og tóku þar bikarmeistaratitilinn.

Af þessari upptalningu má sjá að hér eru öflugir krakkar og nokkuð bjart yfir framtíðinni.

Landsliðsmenn félagsins

Eitthvað var um landsliðsverkefni á síðasta ári, hjá okkar fólki.  Alls tóku 5 af okkar fólki þátt í landsliðsverkefnum á árinu 2025.  Margrét Embla var valin í A-landsliðið sem keppti á smáþjóðaleikunum síðasta vor.  Grétar Logi var í  úrtaki fyrir U19 landsliðið í sumar, en komst ekki í lokahóp.  Sverrir Bjarki var valinn í A-landsliðs hópinn sem spilaði á Smáþjóðaleikunum í júní á síðasta ári, en gaf ekki kost á sér vegna vinnu og kostnaðar. Það gerði hinsvegar Hafsteinn Már, sem spilaði þar sinn 35 A-landsliðsleik og er hann líklega landsleikjahæsti íbúi Ísafjarðarbæjar, í sögu bæjarfélagsins.

Þá var Þrymur Rafn Andersen valinn í U17 hóp sl haust og spilaði á Smáþjóðaleikum Evrópu sem fram fór í janúar á þessu ári,  en þar vann liðið til gullverðlauna.  Ekki slæmt hjá nýliðanum Þrym að taka gullverðlaun í sínu fyrsta landsliðsverkefni.

Fjárhagur og fjáraflanir

Fjárhagur félagsins hefur í mörg ár verið nokkuð sveiflukenndur en nokkuð tap hefur verið á rekstrinum síðustu ár, en reksturinn var yfir núllinu á síðasta ári.

Ferðakostnaður keppnisliða er sífellt vaxandi viðfangsefni með fjölgun leikja í úrvalsdeild og fækkun á bílaleigum, en kostnaðar vegna aðfluttra leikmanna var á síðasta ári alveg í lágmarki.  Áfram er það eitt af mikilvægustu verkefnunum að efla tekjustofna félagsins, en allar líkur eru á því að lottótekjur séu svotil liðin tíð.

Undanfarin ár hefur félagið fyrst og fremst tekið að sér fjáraflanir sem útheimta vinnuafl (ekki sölufjáraflanir),  fjöruhreinsun í Skutulsfirði, hreinsun á Eyrinni í Skutulsfirði og slátt í kirkjugarðinum í Hnífsdal.

Þá hefur mótahald á yngriflokkamótum verið félaginu drjúg tekjulind, þau ár sem það hefur verið í boði.

Strandblak

Frá því að framkvæmdum lauk við strandblakvöllinn í Tungudal, hefur verið hægur stígandi í iðkun strandblaks í Skutulsfirði.

Á síðasta sumri voru táningarnir okkar nokkuð duglegir að stunda sandinn og mættu á allnokkur stigamót í Íslandsmótaröðinni.

Lokaorð

Ég verð að segja að það er áhyggjuefni að sanngirni og jafnræði í íþróttastarfi virðist eiga undir högg að sækja, ekki síst í boði sveitarfélagsins.

Úthlutun æfingatíma í íþróttahúsum síðustu tvö haust er að mínu mati einhver augljósustu dæmin sem finna má um óheiðarleika tengt íþróttastarfi, hér um slóðir og er án vafa klárt brot á stjórnsýslulögum. Síðasta haust var verulega mikið hallað á blakið, en hefði úthlutun verið sanngjörn og samkvæmt reglum hefði blakið verið með um 30% fleiri æfingatíma.  Og það er sérstaklega sárt til þess að hugsa að í þessu máli brugðust okkur bæði stjórn HSV og aðalstjórn Vestra, þegar við marg reyndum að fá leiðréttingu, því þessi úthlutun var ekkert annað en atlaga að starfi Blakdeildar Vestra.

Þá aðeins um stuðning við afreksstarf.  Hvernig getur það talist eðlilegt að krakkar í hópíþróttum héðan úr sveitarfélaginu, sem valdir eru í dýrar landsliðsferðir fái kannski 30-40 þúsund krónur upp í þann kostnað á sama tíma og aðilar sem stunda ónefndar einstaklingsíþróttir fá styrki sem telja má í milljónum árlega, óháð því hvort að viðkomandi séu íbúar sveitarfélagsins.  Fyrir skemmstu var svo samþykkt í bæjarstjórn sérstök auka greiðsla til tveggja einstaklinga sem fóru á Vetrarólympíuleikana, upp á eina milljón á hvort.  Hvorugt þessara einstaklinga eru íbúar í Ísafjarðarbæ.

Og svo er það íþróttamaður Ísafjarðarbæjar.  Er ekki eitthvað skakkt við það að af síðustu 10 útnefningum, séu aðeins 3 á íbúa í sveitarfélaginu.  Í flestum sambærilegum bæjarfélögum er það skilyrði fyrir tilnefningu að viðkomandi sé íbúi sveitarfélagsins.

Allt saman tekið, hvaða skilaboð eru þetta til okkar, okkar iðkenda og okkar starfs ?

Ég vill þakka félagsmönnum fyrir stórkostlegt ár 2025.

Þetta ár og þau næstu bjóða upp á spennandi áskoranir.  Höfum það í huga að blak er íþrótt fyrir alla aldurshópa og virkar bæði fyrir afreksstarf, til eflingar lýðheilsu og allt þar á milli. 

Við höfum haldið úti meistaraflokkum kvenna í næstum 20 ár, höfum staðið fyrir yngriflokkastarfi í jafn langan tíma og undanfarin 7 ár höfum við verið með lið í efstu deild í karlaflokki.  Í gegnum okkar starf hafa komið í heildina 19 landsliðsmenn og þar af 6 manns sem hafa spilað eða spila enn, með A-landsliðunum.

Veturinn 2024-25 var blakdeildin með um 55% af iðkendum í meistaraflokkum, samkvæmt talningu í Torfnesi.  Í okkar hópi er mikið af efnilegum iðkendum og við höfum fulla ástæðu til að bera höfuðið hátt og krefjast þess að tekið sé tillit til okkar. 

Áfram blak og áfram Vestri.

Takk fyrir mig.

Sigurður Hreinsson

Yngri iðkendur hefja leik kl. 10.30 en fullorðnir kl. 12.00. Keppendur hvattir til að mæta tímanlega. 

Þátttökugjaldið það sama og mörg undanfarin ár eða 
kr. 1000 á mann í elstu flokkum
kr. 500 í yngri flokkum
kr. 0 fyrir iðkendur 16 ára og yngri hjá Kkd. Vestra

Frjáls framlög alltaf vel þegin til styrktar starfinu

Páskaeggjamót Góu og Vestra

Stefnt er að keppni í eftirfarandi flokkum
16 ára og eldri karla
16 ára og eldri kvenna
13-15 ára drengir
13-15 ára stúlkur
11-12 ára drengir(minnibolti, 5. og 6. bekkur)
11-12 ára stúlkur(minnibolti, 5. og 6. bekkur)
8 - 10 ára , (3. og 4. bekkur)

Ekki opið fyrir 2. bekk og yngri sökum fjöldatakmarkana.

Heimilt að vera með blönduð lið

Heimilt fyrir yngri en 16 að keppa í fullorðinsflokki

Reglur í mótinu:

Mótstjórn hefur óskorað vald til breytinga á flokkum, fer eftir skráningum hvernig endanleg skipting verður.  Skráning fer fram á mótsstað.

Í elsta flokki er óheimilt að manna lið 2 meistaraflokksmönnum, meistaraflokksmaður telst sá sem spilaði meira en 40 mínútur samtals með liði sínu í 2.deild og ofar skv. tölfræðisíðu KKÍ  í vetur.

Spilað í 5 mínútur, sóknin dæmir. Lið skiptast á að vera í sókn(ekki make it take it). Verði lið jöfn í leikslok þá ráðast úrslit í vítakeppni. 

Vítakeppni fer þannig fram að einn fultrúi úr hvoru liði tekur víti.  Ef jafnt eftir fyrstu umferð þá er komið að næsta leikmanni.  Ef lið inniheldur 3 leikmenn þá er komið að honum, svo koll af kolli þar til úrslit fást.

Ætlast er til að leikmenn spili í anda páskanna, heiðarlega.  Mótstjórn hefur fullt vald til að grípa inn í látil leikmenn kappið bera fegurðina ofurliði.  Endalegt vald liggur alltaf hjá mótssjórn.

Gleðilega Páska og áfram Vestri

- Skýrsla stjórnar og ársreikningar

- Reglugerðabreytingar.  Reikna má með að lögð verði fram tillaga um breytingar á reglugerð.

-Kosningar:

a) Kosinn formaður deildar til eins árs.

b) Kosið í meistaraflokksráð; oddviti til eins árs, einn aðalmaður til tveggja ára og einn varamaður til eins árs.

c) Kosið í yngriflokkaráð; oddviti til eins árs, einn aðalmaður til tveggja ára og einn varamaður til eins árs.

Önnur mál.

Félagar og foreldrar eru hvattir til að fjölmenna.

Farið verður yfir ársreikning félagsins og kosið í stjórnir.

Allt Vestra fólk hvatt til að mæta.

Aðalfundur Sunddeildar Vestra var haldinn laugardaginn 14. mars sl. Á fundinum var kosin ný stjórn deildarinnar.

Í stjórn voru kjörin Páll Janus Þórðarson formaður. Með honum í stjórn sitja Svala Sif Sigurgeirsdóttir og Ingibjörg Kristjánsdóttir sem aðalmenn. Varamenn í stjórn eru Birgir Þór Halldórsson og Sif Huld Albertsdóttir.

Á dagskránni eru hefðbundin aðalfundarstörf.

Félagsmenn og aðrir áhugasamir um starf deildarinnar eru hvattir til að mæta á fundinn.

Æfingar eru gjaldfrjálsar og munu fara fram tvisvar í viku, á mánudögum í íþróttahúsinu við Torfnes milli klukkan 15:00 og 16:00 og á föstudögum í íþróttahúsinu við Austurveg milli klukkan 15:10 og 15:50. Æfingarnar eru iðkendamiðaðar þar sem áhugasvið barnanna fær að ráða för og æfingar eru sniðnar að getu og áhuga iðkenda að hverju sinni. Miðað er að því að þær séu aðgengilegar öllum óháð getu eða fyrri reynslu. Þarna verður veittur stuðningur til að þróa hreyfifærni, auka sjálfstraust og öðlast hreyfivenjur sem geta nýst til frambúðar. Þjálfari verkefnisins er Árni Heiðar Ívarsson sem þarf vart að kynna en hann hefur áratugareynslu af einkaþjálfun, íþróttakennslu og fræðslu tengdri afþreyingu og hreyfingu. Hann hefur starfað bæði með börnum og fullorðnum og hefur djúpan skilning á mikilvægi þess að mæta fjölbreyttum þörfum þátttakenda.

Á æfingum verður einnig unnið með gildi íþróttafélagsins Vestra sem eru virðing, metnaður og gleði og börn frædd um mikilvægi félagslegrar samveru, þátttöku í hópefli og grunnstoðum almennrar lýðheilsu. Ekki síður mikilveg eru einkunnarorð verkefnisins sem eru Hreyfing & Fjör og bundnar eru vonir um að hér sé kominn grundvöllur fyrir langvarandi sambandi barna á grunnskólaaldri við hreyfingu sem heilsubót og fjör í góðum félagsskap.

Áhugasamir geta mætt á æfingar á ofangreindum tímum og fengið skráningarform þar.